‘खुपते तिथे गुप्ते’ या अवधूत गुप्तेच्या टॅाक शो बाबत झी मराठीने घेतला हा निर्णय

इंडिया दर्पण ऑनलाईन डेस्क –
छोट्या पडद्यावरील मालिका या प्रेक्षकांमध्ये चांगल्याच लोकप्रिय असतात. त्यातही वेगळे विषय हाताळणाऱ्या मालिका दाखवणाऱ्या वाहिन्या प्रेक्षकांच्या आवडत्या असतात. म्हणूनच ‘झी मराठी’ ही बराच काळ प्रेक्षकांची आवडती वाहिनी राहिली आहे. आता मात्र, या वाहिनीचे तंत्र काहीतरी बिघडलेले दिसते आहे.

सातत्याने या वाहिनीवरील मालिका बंद होताना दिसत आहेत. भलेही त्याच्या जागी नवीन मालिका सुरू होत आहेत, पण, आधीच्या मालिका वेळेआधीच आटोपत्या घेतल्या जात आहेत. याआधीच तीन मालिका बंद होणार असल्याची माहिती आम्ही तुम्हाला दिली होती.

आता चक्क अवधूत गुप्ते यांचा खूपते तिथे गुप्ते हा टॅाक शो बंद होणार आहे. या टॅाक शोमध्ये अनेक नेत्यांबरोबर सेलिब्रिटींनी भाग घेतला होता. हा कार्यक्रम लोकप्रियही ठरला होता. पण, आता तो बंद होणार आहे. ‘खुपते तिथे गुप्ते’ हा कार्यक्रम सतत काही ना काही कारणांनी चर्चेत होता. मात्र आता लवकरच ‘खुपते तिथे गुप्ते’हा कार्यक्रम प्रेक्षकांचा निरोप घेणार आहे. अभिनेता अवधूत गुप्तेने याबद्दलची पोस्ट शेअर केली आहे.

पोस्ट केलेल्या व्हिडीओ मध्ये अवधूत गुप्ते या कार्यक्रमासाठी मेकअप करताना दिसत आहे. यानंतर तो मंचावर जाऊन पूजा करताना, नारळ फोडताना दिसत आहे. यावेळी कार्यक्रमाच्या बॅकस्टेजला असणारी मंडळीही दिसत आहेत. यात तो अँकरिंगची तयारीही करत असल्याचे पाहायला मिळते.
This decision was taken by Zee Marathi regarding Avdhoot Gupte’s talk show ‘Khupte tithe Gupte’