इंडिया दर्पण ऑनलाईन डेस्क
येवला शहरात दुचाकी चोरट्यांनी धुमाकूळ घालत शहरातील विविध ठिकाणी दुचाकी चोरी करीत उच्छाद मांडला होता. शहर पोलिसांनी धाडसी कारवाई करीत तीन आरोपींच्या मुसक्या आवळल्या असून त्यांच्या ताब्यातून अकरा दुचाकी हस्तगत करण्यात आल्या आहेत.
या बाबत पोलीस अधिक तपास उपविभागीय अधिकारी सोहेल शेख यांच्या मार्गदर्शनाखाली करत आहे. या चोरट्यानी आणखी कुठे कुठे गाड्या चोरल्या आहेत याचा तपास पोलीस करीत आहे. काही दिवसापूर्वी नाशिकमध्ये दुचाकी, रोटाव्हेटर आणि महागडया एलईडी चोरट्यांना चार जणांना पोलिसांनी गजाआड केले होते. या चारी आरोपींकडून अनेक मोठे गुन्हे उघडकीस आले आहे.
या अटक करण्यात आलेल्यांमध्ये काही जण येवल्या जवळचे आहे. त्यात राजेश रामशंकर शर्मा (रा नीमच, मध्यप्रदेश), राकेश संसारे (रा. मनमाड नाशिक), श्रीराम सोनवणे (रा. वाकला ता वैजापूर), अनिल सुकदेव डांगे (रा लोणी खुर्द ता. वैजापूर) यांचा समावेश आहे. या चोरट्यांनी औरंगाबाद वैजापूर, शिऊर बंगला व वीरगाव येथून शोरूम व घरासमोरून चोरलेल्या नऊ दुचाकी वाहनांची चोरी केली होत्या.
Yeola city police nabbed three two-wheeler thieves, seized 11 bikes
