ठाणे येथे ४० मजली इमारतीवरून लिफ्ट कोसळून सहा कामगाराचा मृत्यू

ठाणे (इंडिया दर्पण वृत्तसेवा) – येथील बाळकुम परिसरात असलेल्या रुणवाल आयरीन या ४० मजली इमारतीवरून लिफ्ट कोसळून ६ कामगारांचा मृत्यू झाल्याची दुर्दैवी घटना घडली आहे. नुकतेच बांधकाम पूर्ण झालेल्या या इमारतीच्या छतावर वॉटरप्रूफिंगचे काम सुरू होते. हे काम संपवून कामगार खाली येत असताना हा अपघात घडला. या घटनेची माहिती मिळताच पोलीस आणि अग्निशमन दलाचे जवान घटनास्थळी दाखल झाले.

लिफ्टचा दोर तुटल्याने हा अपघात घडल्याची माहिती प्रत्यक्षदर्शींनी दिली. संध्याकाळची काम संपल्यानंतर कामगार जात असतांना अचानक अंगावर लिफ्ट कोसळली. या अपघातात सहा कामगारांचा मृत्यू झाला. बचाव पथकाने लिफ्टमध्ये अडकलेल्या कामगारांना बाहेर काढले.

या दुर्घटनेत पाच कामगारांचा जागीच मृत्यू झाला तर गंभीर जखमी दोन कामगारांना खाजगी रुग्णालयात हलवण्यात आले. पण, त्याचा रुग्णालयात मृत्यू झाला. ही दुर्घटना नेमकी कशी घडली याबाबत पोलीस अधिक तपास करत आहेत.
In Thane, six workers died after a lift fell from a 40-storey building