श्रीरामपूर (इंडिया दर्पण वृत्तसेवा) – तालुक्यात दरोडयाचा बनाव करुन पत्नीनेच पतीची हत्या केल्याचे समोर आले आहे. तालुक्यातील एकलहरे- बेलापूर रस्त्यावर मध्यरात्री दोन वाजेच्या सुमारास सशस्त्र दरोडा टाकल्याची घटना घडली होती. या घटनेत पोलिसांनी कसून चौकशी केल्यानंतर ही धक्कादायक घटना समोर आली आहे. याप्रकरणी पोलिसांनी पत्नीसह आणखी दोन संशयितांना ताब्यात घेतले आहे.
या घटनेत एकलहरे गावात दरोडेखोरांनी नईम पठाण याची हत्या करून सात लाखांची रोकड लंपास केल्याचे सांगण्यात आले. त्यानंतर पोलिसांनी कसून चौकशी केल्यानंतर त्यांना हा दरोडा नसल्याचा संशय आला. त्यानंतर पोलिसांनी पत्नीची चौकशी केल्यानंतर हा दरोड्याचा बनाव असल्याचे समोर आले. या घटनेत पत्नी बुशराने पतीची हत्या केली. त्यानंतर दरोड्याचा बनाव केला. हत्या करतांना पत्नीने पतीला अगोदर झोपेच्या गोळ्या खावू घातल्या. त्यानंतर साडीने गळा आवळून हत्या केल्याचेही समोर आले आहे.
हा धक्कादायक प्रकार समोर आल्यानंतर शेजा-यांना मोठा धक्का बसला. अगोदर दरोड्यामुळे सर्व हादरले होते.पण, त्यानंतर तपासात ही घटना समोर आल्यामुळे सर्वांना हा बनाव समजला. पोलिसांनी पत्नी बुशरासह आणखी दोन संशयितांना ताब्यात घेतले असून या प्रकरणी पोलीस अधिक तपास करत आहेत.
This is the explanation of the incident in Srirampur taluka
