सोलापूर (इंडिया दर्पण वृत्तसेवा) – सोलापूर जिल्ह्यातील सांगालो तालुक्यातील कोळा येथे एकतर्फी प्रेमातून महाविद्यालयीन तरुणीची निर्घुण हत्या करण्यात आली आहे. एका तरुणाने धारदार शस्त्रानं तरुणीच्या डोक्यात, पाठीवर, मानेवर वार करुन ही हत्या केली आहे. या घटनेमुळे राज्यभर खळबळ निर्माण झाली आहे. दरम्यान या घटनेनंतर हत्या करणारा तरुण फरार झाला असून पोलिस त्याचा शोध घेत आहे.
या प्रकरणात हत्या झालेल्या तरुणीचे नाव ऋतुजा दादासाहेब मदने (१८) ती महाविद्यालयात शिक्षण घेत होती. शनिवारी रात्री आठ वाजण्याच्या सुमारास तरुणीच्या घराजवळच तरुणाने डोक्यात, पाठीवर, मानेवर वार करुन हत्या केली. या घटनेप्रकरणी मुलीचे मामा पांडुरंग दाजीराम सरगर यांनी संशयित सचिन मारुती गडदे यांच्याविरोधात फिर्याद दाखल केली आहे.
या घटनेची माहिती मिळताच पंढरपूर विभागीय पोलीस अधिकारी अर्जुन भोसले, पोलीस निरीक्षक अनंत कुलकर्णी, सहाय्यक पोलीस निरीक्षक आदिनाथ खरात हे घटनास्थळी दाखल झाले. त्यानंतर या तरुणीचा शवविच्छेदनासाठी ग्रामीण रुग्णालयात पाठवण्यात आला.
A college girl is brutally murdered by a one-sided love; Young absconders…
