नाशिक (इंडिया दर्पण वृत्तसेवा) – पवारवाडी रोड भागात कोयत्याचा धाक दाखवत दहशत निर्माण करणा-या तरूणास पोलिसांनी गजाआड केले आहे. या संशयिताच्या ताब्यातून कोयता जप्त करण्यात आला असून याप्रकरणी नाशिकरोड पोलिस ठाण्यात शस्त्रबंदी कायद्यान्वये गुन्हा दाखल करण्यात आला आहे.
विक्रांत सुनिल हांडोरे (२३ रा. मच्छी मार्केट मागे,सुभाषरोड ना.रोड) असे अटक करण्यात आलेल्या संशयिताचे नाव आहे. जयाउद्दीन डेपो ते पवारवाडी रोड दरम्यान कोयताधारी तरूण दहशत माजवित असल्याची माहिती पोलिसांना मिळाली होती. त्यानुसार गुरूवारी (दि.१४) पोलिसांनी धाव घेत बारी इंजिनिअरींग वर्क्स नावाच्या दुकानासमोर संशयिताच्या मुसक्या आवळल्या.
या तरूणाच्या अंगझडतीत धारदार कोयता मिळून आला असून याबाबत अंमलदार नागरे यांनी फिर्याद दिली आहे. अधिक तपास हवालदार शेख करीत आहेत.
Nashik City Crime Police Theft dacoity murder suicide fight beaten
