नाशिक (इंडिया दर्पण वृत्तसेवा) – मुंबईनाका भागात जुन्या वादातून एका तरूणास मारहाण करण्यात आल्याची घटना घडली. या घटनेत संशयिताने धारदार हत्याराने वार केल्याने तरूण जखमी झाला असून याप्रकरणी मुंबईनाका पोलिस ठाण्यात गुन्हा दाखल करण्यात आला आहे.
सनी न्हाहळदे असे संशयिताचे नाव आहे. याप्रकरणी अथर्व उत्तम पारवे (२१ रा. सेंट फिलोमिना शाळेजवळ कलानगर जेलरोड) या तरूणाने तक्रार दाखल केली आहे. पारवे मंगळवारी (दि.१२) मुंबईनाका भागातील महिंद्रा कोटक बँक परिसरात गेला असता ही घटना घडली.
संशयिताने त्यास गाठून जुन्या भांडणाची कुरापत काढली. यावेळी पारवे याने त्यास समजून सांगण्याचा प्रयत्न केला असता संशयिताने त्यास शिवीगाळ व दमदाटी करीत मारहाण केली. या मारहाणीत काही तरी धारदार शस्त्राने वार केल्याने तो जखमी झाला असून अधिक तपास पोलिस नाईक गोडे करीत आहेत.
Nashik City Crime Police Theft dacoity murder suicide fight beaten
