आत्महत्येचे सत्र सुरूच; वेगवेगळया भागात राहणा-या दोन तरूणांची आत्महत्या

नाशिक (इंडिया दर्पण वृत्तसेवा) – शहरात आत्महत्येचे सत्र सुरूच असून सोमवारी वेगवेगळया भागात राहणा-या दोन तरूणांनी गळफास लावून घेत आत्महत्या केली. दोघांच्याही आत्महत्येचे कारण समजू शकले नाही. याप्रकरणी पंचवटी आणि अंबड पोलिस ठाण्यात मृत्यूच्या नोंदी करण्यात आल्या आहेत.

पहिली घटना औद्योगीक वसाहतीतील संजीवनगर भागात घडली. सौरव संजयकुमार पाण्डे (२५ रा.प्लॉट न.२७ गट नं.५ संजीवनगर अंबड लिंकरोड) या तरूणाने सोमवारी अज्ञात कारणातून आपल्या राहत्या घरात पंख्याला ओढणी बांधून गळफास लावून घेतला होता. ही बाब निदर्शनास येताच कुटूंबियांनी श्री स्वामी समर्थ हॉस्पिटलच्या अ‍ॅम्ब्युलन्सला पाचारण केले असता डॉ. सोनाली मिश्रा यांनी त्यास तपासून मृत घोषीत केले. याबाबत दिपक पाण्डे यांनी दिलेल्या खबरीवरून अंबड पोलिस ठाण्यात मृत्यूची नोंद करण्यात आली असून अधिक तपास हवालदार चव्हाण करीत आहेत.

दुस-या घटनेत फुलेनगर येथील आकाश कैलास जाधव (२६ रा.साळवे किराणा जवळ विजय चौक) या युवकाने सोमवारी अज्ञात कारणातून आपल्या राहत्या घरातील वरच्या रूममध्ये लाकडाच्या बिमला साडी बांधून गळफास लावून घेतला होता. ही बाब निदर्शनास येताच चुलत भाऊ प्रकाश जाधव यांनी त्यास तात्काळ जिल्हारूग्णालयात दाखल केले असता वैद्यकीय सुत्रांनी मृत घोषीत केले. याप्रकरणी हवालदार पी.एस.जगताप यांनी दिलेल्या खबरीवरून पंचवटी पोलिस ठाण्यात मृत्यूची नोंद करण्यात आली असून अधिक तपास हवालदार चव्हाण करीत आहेत.
Nashik City Crime Police Theft dacoity murder suicide fight beaten