नाशिक. (इंडिया दर्पण वृत्तसेवा) – नाशिक-छत्रपती संभाजी नगर राज्य मार्गावरील शिवशाही बस आग लागून बस पूर्ण खाक झाल्याची घटना घडली आहे. ही घटना निफाड तालुक्यातील चांदोरी शिवरातील टाकळी फाट्या जवळील डोंगराई हॉटेल समोर घडली. या शिवशाही बसमध्ये एकूण २५ प्रवासी होते. पण, त्यांना सुखरुप बाहेर काढण्यात आले.
दुपारी ही घटना घडली. शिवशाही बसला आग लागल्यानतंर प्रवाशांमध्ये प्रचंड घबरात झाली होती. पण, त्यांना सुखरुप बाहेर काढण्यात आल्यामुळे कोणतीही जिवितहानी झाली नाही. या आगीचे कारण मात्र समजू शकले नाही. शॉर्टसर्किटमुळे आग लागण्याची प्राथमिक माहिती समोर आली आहे.
नाशिक वरून छत्रपती संभाजी नगरच्या दिशेने जात असताना ही घटना घडली. बसला ज्या प्रकारे आग लागली ती प्रचंड मोठी असल्याचे समोर आले आहे. शिवशाही बसला आग लागण्याच्या घटना अगोदरही झाल्या आहे. आता पुन्ही ही घटना घडली आहे.
