मालेगाव (इंडिया दर्पण वृत्तसेवा) – येथील कमलदिप सिनेमागृहात शाहरुख खानच्या बहुचर्चित जवान चित्रपटाच्या शुक्रवारी रात्रीच्या शोच्या वेळी चाहत्यांनी त्याचे गाणे डायलॉग सुरु होताच सिनेमागृहात फटाक्यांची आतिषबाजी केली. यावेळी केलेल्या या आतषबाजीमुळे सिनेमागृहात काही काळ सर्वांचा गोंधळ उडाला. मालेगावमध्ये ही नवीन गोष्ट नाही. पण, अचानक केलेल्या या आतषबाजीमुळे इतर प्रेक्षकांना नेमंक कळालेच नाही.
मालेगाव शहरात शाहरुख, सलमान, आमिर खान यांचा एक चाहता वर्ग असून जेव्हा एखादा बहुचर्चित सिनेमा थिएटरवर लागतो. त्यावेळी त्यांच्या चाहत्यांकडून कधी चिल्लर पडद्यावर फेकली जाते. तर कधी फटाक्यांची आतिषबाजी करत आपले प्रेम दाखवले जाते. मुस्लिमबहुल असलेला मालेगावचे अनेक जण हे सिनेवेडे आहे. येथे कधी कधी तर चित्रपटाचे पोस्टर बघण्यासाठी तासनतास चाहते उभे राहतात.
मालेगावचे शोले, शान या साऱखे व्हिडिओ चित्रपटही एकेकाडे येथे व्हिडिओ थिएटरमध्या हाऊसफुल्ल होत असे. आता तंत्रज्ञान बदलले व मोबाईलवर बरेच करमणूकीची साधने उपलब्ध झाली. तरी मालेगावचे चित्रपट वेड मात्र कमी झाले नाही. त्यामुळे जवान चित्रपटात ही आतषबाजी करुन शाहरुखच्या चाहत्यांनी आपला आनंद व्यक्त केला.
In Malegaon, Shah Rukh’s fans set off fireworks in the cinema hall
