नाशिक (इंडिया दर्पण वृत्तसेवा) – राज्याचे अन्न,नागरी पुरवठा व ग्राहक संरक्षण मंत्री छगन भुजबळ यांनी गणेशोत्सवाच्या निमित्ताने आज नाशिक शहरातील नाशिकरोड, पंचवटी, पेठरोड, मेन रोड व सिडको परिसरातील विविध गणेश मंडळांना भेटी दिल्या. यावेळी श्री गणेशाचे पूजन करत दर्शन घेतले. तसेच उपस्थित नागरिकांना गणेशोत्सवाच्या शुभेच्छा दिल्या आणि राज्यातील दुष्काळाचे सावट दूर होऊ दे अशी प्रार्थना त्यांनी केली.
यावेळी माजी खासदार समीर भुजबळ, शहराध्यक्ष रंजन ठाकरे, प्रदेश उपाध्यक्ष नानासाहेब महाले, प्रदेश सरचिटणीस दिलीप खैरे,बाळासाहेब कर्डक, कैलास मुदलियार,शहराध्यक्षा कविताताई कर्डक,युवक शहराध्यक्ष अंबादास खैरे, युवक जिल्हाध्यक्ष योगेश निसाळ,समाधान जेजुरकर,गिरीश मुदलियार, राजेंद्र बागुल,अमोल नाईक,संदीप गांगुर्डे,मकरंद सोमवंशी,संतोष भुजबळ यांच्यासह पदाधिकारी व कार्यकर्ते उपस्थित होते.
मंत्री छगन भुजबळ यांनी आज नाशिकरोड येथील बालाजी सोशल फाउंडेशन गणेशोत्सव मंडळ, पंचवटी मधील त्रिमूर्ती नगर सांस्कृतिक कला, क्रीडा मंडळ,पेठरोड येथील कै.लक्ष्मण जाधव सामाजिक, कला व क्रीडा मित्र मंडळ, मेन रोड येथील प्रेरणा सांस्कृतिक कला व क्रीडा मंडळ व सिडको येथील दत्तधाम चौक मित्र मंडळांना भेटी दिल्या.
Minister Chhagan Bhujbal visited various Ganesha Mandals in Nashik city
