नाशिक (इंडिया दर्पण वृत्तसेवा)– शालिमार परिसरात हातगाडीचा दुचाकीस धक्का लागल्याच्या कारणातून शनिवारी रात्री दोन गटात तुंबळ हाणामारी झाली. या घटनेत दुचाकीस्वार दांम्पत्यासह त्यांच्या साथीदाराने दुकानावर दगडफेक करीत बापलेकासह एकास मारहाण केली तर व्यावसायीकानीच दांम्पत्यास मारहाण करीत महिलेचा विनयभंग केल्याचा आरोप पोलिस दप्तरी नोंद झालेल्या तक्रारीत करण्यात आला आहे. याप्रकरणी भद्रकाली पोलिस ठाण्यात परस्परविरोधी गुन्हे दाखल करण्यात आला आहे.
पोलिसांनी दिलेल्या माहितीनुसार विक्की बिरारी (रा. पेठरोड) या व्यावसायीकाने दिलेल्या तक्रारीत म्हटले आहे की, शनिवारी रात्री ते शालिमार येथील शिवरूद्र गारमेंट या दुकानासमोरून हातगाडीवर दुकानाचे पार्सल घेवून जात असतांना इंदिरानगर भागात राहणाºया दुचाकीस्वार दांम्पत्याने धक्का लागल्याच्या कारणातून वाद घातला. यावेळी संतप्त दांम्पत्याने अन्य दोन साथीदारांना बोलावून घेत दुकानावर दगडफेक केली. यावेळी टोळक्याने खुर्च्यांची तोडफोड करीत दुकानाचेही नुकसान केले. तसेच त्यांना समजवून सांगण्याचा प्रयत्न केला असता टोळक्याने बिरारी यांच्यासह त्यांच्या वडिलांना आणि मामाला मारहाण केल्याचे म्हटले आहे.
तर इंदिरानगर भागात राहणा-या महिलेने दिलेल्या तक्रारीनुसार व्यावसायीक विक्की बिरारी त्याचा मामा भुषण आणि त्यांच्या दोन साथीदारांनी दांम्पत्यास मारहाण केल्याचा आरोप केला आहे. कुमार शर्ट दुकानासमोर दुचाकीवर बसलेल्या पतीच्या पाठीला हातगाडीचा धक्का लागला. याबाबत संशयित बिरारी यास जाब विचारला असता त्याने आंधळी आहे का ? गाडी साईडला लावता येत नाही का या कारणातून वाद घातला. यावेळी त्यास समजवून सांगण्याचा प्रयत्न केला असता संशयितांनी पतीस शिवीगाळ करीत मारहाण केली. यावेळी पतीच्या बचावासाठी धाव घेतली असता संशयिताने विनयभंग केला. या घटनेत संशयितांनी दांम्पत्यास खुर्ची व लाकडी स्टुलने मारहाण केल्याने दोघे जखमी झाले असून अधिक तपास हवालदार बोंबले व उपनिरीक्षक शिंदे करीत आहेत.
Nashik City Crime Police Theft dacoity murder suicide fight beaten
