बंद घराचे लॉक तोडून घरफोडी…चोरट्यांनी सोन्या चांदीचे दागिने केले लंपास
नाशिक (इंडिया दर्पण वृत्तसेवा) – उंटवाडीतील जगतापनगर भागात झालेल्या घरफोडीत चोरट्यांनी सुमारे ९६ हजाराच्या ऐवजावर डल्ला मारला. त्यात सोन्या चांदीच्या दागिण्यांचा समावेश आहे. याप्रकरणी अंबड पोलिस ठाण्यात घरफोडीचा गुन्हा दाखल करण्यात आला आहे.
काशिनाथ हरी सोनवणे (रा.सुंदर गणेश बिल्डींग,मातोश्री चौक,जगताप नगर) यांनी याप्रकरणी तक्रार दाखल केली आहे.
सोनवणे कुटुंबिय दि.२ ते ८ नोव्हेंबर दरम्यान बाहेरगावी गेले असता ही घटना घडली. अज्ञात चोरट्यांनी त्यांच्या बंद घराचे लॅच लॉक तोडून कपाटात ठेवलेले सुमारे ९६ हजार रूपये किमतीचे सोन्याचांदीचे अलंकार चोरून नेले. अधिक तपास सहाय्यक निरीक्षक कावळे करीत आहेत.
टागोरनगर भागात चोरट्यांनी १८ हजाराचे दागिने केले लंपास
नाशिक (इंडिया दर्पण वृत्तसेवा) – उघड्या घरात शिरून चोरट्यांनी दागिणे चोरून नेल्याचा प्रकार टागोरनगर भागात घडला. या घटनेत १८ हजार रूपये किमतीचे अलंकार चोरट्यांनी चोरून नेले असून याप्रकरणी उपनगर पोलिस ठाण्यात गुन्हा दाखल करण्यात आला आहे.
रेश्मा कार्तिक नवाळे (रा.मधुरा अपा.रविशंकर मार्ग टागोरनगर,डीजीपीनगर) यांनी याप्रकरणी तक्रार दाखल केली आहे. नवाळे या गुरूवारी (दि.९) आपल्या घरकामात व्यस्त असतांना ही घटना घडली. अज्ञात चोरट्यांनी त्यांच्या उघड्या दरवाजातून घरात प्रवेश करून ही चोरी केली. घरात शिरलेल्या चोरट्यांनी हॉलमधील कपाटात ठेवलेले सुमारे १८ हजार रूपये किमतीचे अलंकार चोरून नेले. अधिक तपास, उपनिरीक्षक उंडे करीत आहेत.
Nashik City Crime Police Theft dacoity murder suicide fight beaten
