नाशिक (इंडिया दर्पण वृत्तसेवा) – निमाणी बसस्थानक परिसरात उभ्या असलेल्या अल्पवयीन मुलीवर युवकाने हल्ला केल्याची घटना घडली. या घटनेत संशयिताने धारदार शस्त्राचा वापर केल्याने मुलगी जखमी झाली असून, याप्रकरणी पंचवटी पोलिस ठाण्यात गुन्हा दाखल करण्यात आला आहे.पोलिसांनी दिलेल्या माहितीनुसार जॉय शामुवेल तडवी (२२ रा.वाल्मिकनगर,वाघाडी) असे मुलीवर हल्ला करणा-या संशयिताचे नाव आहे.
याप्रकरणी जखमी मुलीच्या आईने तक्रार दाखल केली आहे. संशयित हा पीडितेच्या परिसरात वास्तव्यास असून ते एकमेकांचे परिचीत आहे. शनिवारी (दि.२१) सायंकाळच्या सुमारास १७ वर्षीय पीडिता निमाणी भागात गेली असता ही घटना घडली. बसस्टॅण्ड समोरील पांजरा पोळ भागात संशयिताने तिला अडवून तुला लवकर घरी जायला लावले होते ना या कारणातून त्याने वाद घातला. यावेळी संशयिताने दमदाटी करीत काही तरी धार वस्तू मारल्याने पिडीता जखमी झाली असून अधिक तपास हवालदार बैरागी करीत आहेत.
जुगार खेळणा-या पाच जणांवर पोलिसांनी कारवाई
नाशिक (इंडिया दर्पण वृत्तसेवा) – भारतनगर भागातील नासर्डी नदी किनारी उघड्यावर जुगार खेळणा-या पाच जणांवर पोलिसांनी कारवाई केली. यात रोकडसह जुगाराचे साहित्य हस्तगत करण्यात आले असून याप्रकरणी मुंबईनाका पोलिस ठाण्यात गुन्हा दाखल करण्यात आला आहे. सोहेल उर्फ बाबू पप्पू अन्सारी (३२ रा.म्हाडा वसाहत,भारतनगर), हासीम अस्लम शेख (२० रा. नराणी गल्ली,भारतनगर),समीर शाकिर शेख (२० रा.भारतनगर),साहिल पठाण (२१ रा.भारतनगर) व समीर मन्सुरी (३१ रा.नानावली,भद्रकाली) अशी कारवाई करण्यात आलेल्या संशयित जुगारींची नावे आहेत.
याबाबत पोलिस शिपाई नवनाथ उगले यांनी फिर्याद दिली आहे. भारतनगर येथील नासर्डी नदीच्या किनारी असलेल्या भेंडीच्या झाडाखाली काही युवक जुगार खेळत असल्याची माहिती पोलिसांना मिळाली होती. त्यानुसार मुंबई पोलिसांनी धाव घेतली असता संशयित पत्यांच्या कॅटवर पैसे लावून तिन पत्ती जुगार खेळतांना मिळून आले. संशयितांच्या ताब्यातून ९६० रूपयांची रोकड व जुगाराचे साहित्य हस्तगत करण्यात आले असून अधिक तपास जमादार रोहिदास सोनार करीत आहेत.
Nashik City Crime Police Theft dacoity murder suicide fight beaten
