नाशिक (इंडिया दर्पण वृत्तसेवा) – अंबड लिंक रोड भागात बदनामी करीत हिनवल्याने २४ वर्षीय तरूणाने आत्महत्या केली. याप्रकरणी मृताच्या तिन मित्रांविरूध्द अंबड पोलिस ठाण्यात आत्महत्येस प्रवृत्त केल्याप्रकरणी गुन्हा दाखल करण्यात आला आहे.
अजय सरोज, विजय सरोज व अभी पवार अशी गुन्हा दाखल करण्यात आलेल्या संशयितांची नावे आहेत. याप्रकरणी अनिता संजय पांडे (रा.संजीवनगर,अंबडलिंकरोड) यांनी तक्रार दाखल केली आहे. तक्रारीत म्हटले आहे की, मुलगा सौरभ संजय पांडे (रा.गजानन रो हाऊस) या युवकाने गेल्या बुधवारी (दि.११) सायंकाळी आपल्या राहत्या घरात गळफास लावून घेत आत्महत्या केली.
या आत्महत्येस त्याचे वरिल मित्र कारणीभूत असून त्यांनी तू नशेडी आहेस, आमच्या सोबत राहू नकोस असे हिणवून मित्रांमध्ये बदनामी केल्याने नैराश्यातून त्याने टोकाचे पाऊल उचलल्याचा आरोप केला आहे. अधिक तपास उपनिरीक्षक पाडेकर करीत आहेत.
Nashik City Crime Police Theft dacoity murder suicide fight beaten
