नाशिक (इंडिया दर्पण वृत्तसेवा) – सुचितानगर भागात वॉकिंग करताना टेरेसवरून पडल्याने २६ वर्षीय तरूणाचा मृत्यू झाला. अविष्कार राजेंद्र गोवर्धन (रा.श्री साई अपा. सुचितानगर) असे मृत युवकाचे नाव आहे. याप्रकरणी मुंबईनाका पोलिस ठाण्यात मृत्यूची नोंद करण्यात आली आहे.
अविष्कार गोवर्धन गुरूवारी (दि.१९) सायंकाळी जेवण आटोपून आपल्या राहत्या इमारतीच्या टेरेसवर वॉकिंग करण्यासाठी गेला असता ही घटना घडली. टेरेसवर तो चालत असतांना अचानक जमिनीवर कोसळला होता. ही बाब निदर्शनास येताच कुटुंबियांनी त्यास तात्काळ नारायणी हॉस्पिटल येथे दाखल केले असता उपचार सुरू असतांना वैद्यकीय सुत्रांनी त्यास मृत घोषीत केले. याबाबत डॉ. कामिनी सावंत यांनी खबर दिली असून अधिक तपास हवालदार म्हैसधुणे करीत आहेत.
झाडाला दोरी बांधून गळफास
नाशिक (इंडिया दर्पण वृत्तसेवा) – झाडाला दोरी बांधून गळफास लावून घेत आत्महत्या केल्याची घटना औद्योगीक वसाहतीतील कार्बननाका भागात घडली. रामभरत प्रसाद (५० रा.निनाल डेव्हलपर्स अपा. श्रमिकनगर) असे मृत व्यक्तीचे नाव आहे. रामभरतच्या आत्महत्येचे कारण समजू शकले नाही. याप्रकरणी सातपूर पोलिस ठाण्यात मृत्यूची नोंद करण्यात आली आहे.
पोलिसांनी दिलेल्या माहितीनुसार पन्नी लालपन्नीलाल प्रसाद गुरूवारी (दि.१९) सकाळी कुणासही काही एक न सांगता घराबाहेर पडले होते. अज्ञात कारणातून त्यांनी कार्बननाका भागातील छत्रपती विद्यालया समोरील भिंतीलगत असलेल्या एका झाडाला गळफास लावून घेतला होता. त्यात त्यांचा मृत्यू झाला. याबाबत राजेन प्रसाद यांनी दिलेल्या खबरीवरून मृत्यूची नोंद करण्यात आली असून अधिक तपास हवालदार मुसळे करीत आहेत.
Nashik City Crime Police Theft dacoity murder suicide fight beaten
……..
