गंगापूररोडवर भरधाव दोन दुचाकींमध्ये झालेल्या धडकेत एका चालकाचा मृत्यू

गंगापूररोडवर भरधाव दोन दुचाकींमध्ये झालेल्या धडकेत एका चालकाचा मृत्यू
नाशिक (इंडिया दर्पण वृत्तसेवा) – गंगापूररोडवर भरधाव दोन दुचाकींमध्ये झालेल्या धडकेत एका चालकाचा मृत्यू झाला. राहूल प्रकाश राजगुरू (३० रा.विधाते मळा,कालिका मंदिरामागे) असे मृत दुचाकीस्वाराचे नाव आहे. याप्रकरणी गंगापूर पोलिस ठाण्यात मृत्यूची नोंद करण्यात आली आहे.

राजगुरू गुरूवारी (दि.१९) रात्री गंगापूर गावाच्या दिशेने आपल्या दुचाकीवर प्रवास करीत असतांना हा अपघात झाला. गंगापूररोडवरील सोमेश्वर मंदिर प्रवेशद्वार भागात दोन दुचाकींमध्ये समोरासमोर जोरदार धडक झाली. या अपघातात. राजगुरू गंभीर जखमी झाला होता. विनोद गोड यांनी त्यास तात्काळ जिल्हा रूग्णालयात दाखल केले असता वैद्यकीय सुत्रांनी तपासून मृत घोषीत केले. अधिक तपास पोलिस नाईक हिंडे करीत आहेत.

चॉपरचा घेवून फिरणा-या तरूणावर पोलिसांची कारवाई
नाशिक (इंडिया दर्पण वृत्तसेवा) -गंगापूररोडवरील मल्हारखान भागात चॉपरचा घेवून फिरणा-या तरूणावर पोलिसांनी कारवाई केली. संशयितांच्या ताब्यातून धारदार चॉपर हस्तगत करण्यात आला असून, याप्रकरणी सरकारवाडा पोलिस ठाण्यात शस्त्रबंदी आदेशाचे उलंघन केल्याप्रकरणी गुन्हा दाखल करण्यात आला आहे.
साहिल मोहम्मंद शेख ( रा.प्रबुध्दनगर,सातपुर ) असे संशयीत चॉपरधारीचे नाव आहे. गंगापूररोडवरील मल्हारखान भागात उभ्या असलेल्या शेखकडे धारदार शस्त्र असल्याची माहिती पोलिसांना मिळाली होती. त्यानुसार गुरूवारी (दि.१९) पोलिसांनी धाव घेत त्याची अंगझडती घेतली असता त्याच्याकडे चॉपर मिळून आला. याबाबत पोलिस शिपाई रविंद्र लिलके यांनी दिलेल्या खबरीवरून गुन्हा दाखल करण्यात आला असून अधिक तपास पोलिस नाईक थेटे करीत आहेत.
Nashik City Crime Police Theft dacoity murder suicide fight beaten