नाशिक (इंडिया दर्पण वृत्तसेवा) – मखमलाबाद ते सुयोजीत गार्डन रोडवर भरधाव दुचाकी पुढे जाणा-या कारवर जाऊन आदळल्याने चालकाचा मृत्यू झाला. याप्रकरणी म्हसरूळ पोलिस ठाण्यात अपघाताची नोंद करण्यात आली आहे.
पोलिसांनी दिलेल्या माहितीनुसार भाऊलाल चिंधू सानप (४७ रा.रॉयल टाऊन बिल्डींग,सिध्दिविनायक अपा.मखमलाबाद) असे मृत दुचाकीस्वाराचे नाव आहे. सानप गेल्या २८ मे रोजी दुपारच्या सुमारास मखमलाबादकडून सुयोजीत गार्डनच्या दिशेने आपल्या दुचाकीवर प्रवास करीत असतांना हा अपघात झाला होता.
भरधाव दुचाकी पुढे जाणा-या कारवर जावून आदळल्याने ते गंभीर जखमी झाले होते. उपचारादरम्यान त्यांचा मृत्यू झाला असून याप्रकरणी पोलिस दप्तरी अपघाताची नोंद करण्यात आली आहे. अधिक तपास हवालदार गवारे करीत आहेत.
Nashik City Crime Police Theft dacoity murder suicide fight beaten
