नाशिक (इंडिया दर्पण वृत्तसेवा) – छपरीची तालीम भागात मद्यपानासाठी पैसे दिले नाही या कारणातून एकास बेदम मारहाण करण्यात आल्याची घटना घडली. या घटनेत काही तरी हत्याराने मारहाण करण्यात आल्याने सदर व्यक्ती जखमी झाला असून याप्रकरणी भद्रकाली पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार पवन दत्तात्रेय पगार (रा.भद्रकाली) यांनी तक्रार दाखल केली आहे. पगार मंगळवारी (दि.१७) सायंकाळच्या सुमारास छपरीची तालीम भागातून जात असतांना ही घटना घडली. परिसरातील भेळ भत्ता दुकानाजवळ ते जात असतांना एका अनोळखी इसमाने त्यांची वाट अडविले. यावेळी संशयिताने दारू पिण्यासाठी पैश्यांची मागणी केली.
मात्र पगार यांनी पैसे देण्यास नकार दिल्याने ही घटना घडली. सदर व्यक्तीने शिवीगाळ व दमदाटी करीत त्यांना बेदम मारहाण केली. या घटनेत संशयिताने काही तरी धारदार हत्याराने मारहाण केल्याने पगार जखमी झाले असून त्यांच्यावर उपचार सुरू आहेत. अधिक तपा हवालदार टोंगारे करीत आहेत.
Nashik City Crime Police Theft dacoity murder suicide fight beaten
