नाशिक (इंडिया दर्पण वृत्तसेवा) – रामवाडीत घरात घुसून चार जणांच्या टोळक्याने वृध्दास मारहाण करीत मिळकत बळकविण्याचा प्रयत्न केल्याचा प्रकार घडला. सोन्याची अंगठी चोरून नेत अपहार केल्याने वृध्दाने पोलिसात धाव घेतली असून, याप्रकरणी पंचवटी पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार हेमा दत्तात्रेय बोरस्ते, मधुकर काळूशेठ आहेर, सोनू मधुकर आहेर व कमलेश कप्ता अशी संशयितांची नावे आहेत.
याप्रकरणी शंकर बबन बोरस्ते (७८ रा. कुलश्री सदन,आदर्शनगर रामवाडी) यांनी तक्रार दाखल केली आहे. बोरस्ते यांच्या पत्नीच्या नावे रामवाडीत घर आहे. गेल्या वर्षी डिसेंबर महिन्यात संशयितांनी घराच्या तळमजल्यावर ताबा मिळवित वृध्दास वावरण्यात प्रतिबंध केला.
या काळात वेळोवेळी घरात शिरून शिवीगाळ व दमदाटी करीत वृध्दास मारहाण केली. रविवारी (दि.१५) मिळकत बळकवण्याच्या उद्देशाने संशयितांनी वृध्दाच्या घरात शिरून सोन्याची अंगठी चोरून नेत अपहार केल्याने हा प्रकार पोलिसात पोहचला असून अधिक तपास सहाय्यक निरीक्षक खैरनार करीत आहेत.
Nashik City Crime Police Theft dacoity murder suicide fight beaten
