मोटारसायकल चोरीची मालिका सुरूच; वेगवेगळय़ा भागातून तीन दुचाकी चोरीला

नाशिक (इंडिया दर्पण वृत्तसेवा) – शहरात असून वेगवेगळय़ा भागातून तीन दुचाकी चोरट्यांनी चोरून नेल्या. त्यातील दोन मोटारसायकली एकाच सोसायटीच्या पार्किगमधून पळविण्यात आल्या असून याप्रकरणी म्हसरूळ आणि मुंबईनाका पोलिस ठाण्यात गुन्हे दाखल करण्यात आले आहेत.

पहिली घटना अनंत कान्हेरे मैदान भागात घडली. संकेत दिपक कुमावत हे शनिवारी (दि.१४) गोल्फ क्लब भागात गेले होते. अनंत कान्हेरे मैदानाच्या नवीन प्रवेशद्वाराजवळ त्यांनी आपली अ‍ॅक्टीव्हा एमएच १५ एफए ६६६० पार्क केली असता ती चोरट्यांनी पळवून नेली. याप्रकरणी मुंबईनाका पोलिस ठाण्यात गुह्याची नोंद करण्यात आली असून अधिक तपास पोलिस नाईक बहिरम करीत आहेत.

दुसरी घटना दिंडोरीरोडवरील सोसायटीत झाली. याप्रकरणी किरण कृष्णा पाचपुते (रा.मृगनयनी अपा.जुईनगर,किशोर सुर्यवंशी मार्ग) यांनी तक्रार दिली आहे. या तक्रारीत म्हटले आहे की, माझी स्प्लेंडर एमएच ४१ बीए ८७०६ व शेजा-यांची एमएच १५ एफएल ५२७६ चोरट्यांनी चोरून नेली. ही घटना शुक्रवारी (दि.१३) रात्री घडली. दोन्ही दुचाकी सोसायटीच्या पार्किंगमध्ये लावलेल्या असतांना चोरट्यांनी पळवून नेल्या. याप्रकरणी म्हसरूळ पोलिस ठाण्यात गुह्याची नोंद करण्यात आली असून अधिक तपास पोलिस नाईक जगताप करीत आहेत.
Nashik City Crime Police Theft dacoity murder suicide fight beaten