नाशिक (इंडिया दर्पण वृत्तसेवा) – नाशिकरोड परिसरात अल्पवयीन मुले बेपत्ता होण्याचे प्रकार वाढले असून वेगवेगळय़ा भागात राहणारे तीन मुले बेपत्ता झाले आहेत. त्यात दोन मुलींसह एका मुलाचा समावेश आहे. तिघांना कोणी तरी फुस लावून पळवून नेल्याचा अंदाज कुटुंबियांनी वर्तविला असून याप्रकरणी अपहरणाचे वेगवेगळे गुन्हे दाखल करण्यात आले आहेत.
पळसे येथील ऋषिकेश नगर भागात राहणारी मुलगी गुरूवारी सकाळ पासून बेपत्ता आहे. तिला कुणी तरी पळवून नेल्याचा अंदाज कुटूंबियांनी वर्तविला आहे. दुसरी घटना जेलरोड परिसरातील पंचक गावात घडली. अल्पवयीन मुलगी गुरूवार पासून बेपत्ता आहे. सर्वत्र शोध घेवूनही ती मिळून न आल्याने कुटूंबियांनी पोलिसात धाव घेतली असून तिचे कुणी तरी अपहरण केल्याचा अंदाज बांधला जात आहे.
तिसरी घटना मालधक्का झोपडपट्टीत घडली. या भागातील अल्पवयीन मुलगा बुधवार पासून बेपत्ता आहे. घरात कुणासही काही एक न सांगता तो निघून गेला आहे. त्याचे कुणी तरी अपहरण केल्याचा संशय कुटुंबियांनी व्यक्त केला आहे. तिघाही घटनांप्रकरणी वेगवेगळया नोंदी करण्यात आल्या असून अधिक तपास सहाय्यक निरीक्षक हांडोरे,उपनिरीक्षक माळी व विंचू करीत आहेत.
Nashik City Crime Police Theft dacoity murder suicide fight beaten
