नाशिक (इंडिया दर्पण वृत्तसेवा) – नाशिक – पुणे मार्गावरील सिन्नर फाटा जवळ मायलेक प्रवास करत असलेल्या दुचाकीस भरधाव मालट्रकने धडक दिल्याने १९ वर्षीय तरूण ठार झाला. या अपघातात महिला जखमी झाली असून, याप्रकरणी ट्रकचालकाविरूध्द नाशिकरोड पोलिस ठाण्यात अपघाताचा गुन्हा दाखल करण्यात आला आहे.
पोलिसांनी दिलेल्या माहितीनुसार वरद गणेश चिखले (१९ रा.नाशिकरोड) असे मृत दुचाकीस्वाराचे नाव असून या अपघातात संगिता गणेश चिखले (३५) या जखमी झाल्या आहेत. याबाबत पोलिस नाईक अनिल पवार यांनी फिर्याद दिली आहे. चिखले मायलेक गुरूवारी (दि.१२) सकाळच्या सुमारास नाशिक पुणा मार्गावरील सिन्नर फाटा भागातून आपल्या इलेक्ट्रीक मोपेडवरून प्रवास करीत असतांना हा अपघात झाला होता.
एकलहरा टी पॉईंट जवळ पाठीमागून भरधाव आलेल्या लेलंड मालट्रकने दुचाकीस धडक दिली. या अपघातात मायलेक गंभीर जखमी झाले होते. त्यातील वरद चिखले या युवकाचा मृत्यू झाला असून याप्रकरणी ट्रक चालक अहमद मिठू पटेल (रा.कुरकुंडी,सिन्नरफाटा) याच्याविरोधात गुन्हा दाखल करण्यात आला असून अधिक तपास उपनिरीक्षक आडके करीत आहेत.
Nashik City Crime Police Theft dacoity murder suicide fight beaten
