नाशिक (इंडिया दर्पण वृत्तसेवा) – शहरात वेगवेगळया भागातून चोरीला गेल्या दोन दुचाकी प्रकरणी मुंबईनाका व उपनगर पोलिस ठाण्यात गुन्हे दाखल करण्यात आले आहेत. पहिली घटना जेलरोड भागात घडली. शितल संदिप पाटील (रा.देवीदर्शन अपा.गोसावीनगर लोखंडे मळा) यांनी याप्रकरणी तक्रार दाखल केली आहे. पाटील यांची मोटारसायकल गेल्या सोमवारी (दि.९) रात्री त्यांच्या इमारतीच्या पार्किंगमध्ये लावलेली असतांना चोरट्यांनी ती चोरून नेली. याप्रकरणी उपनगर पोलिस ठाण्यात गुन्हा दाखल करण्यात आला असून अधिक तपास उपनिरीक्षक गोसावी करीत आहेत.
दुस-या घटनेत वडाळानाका भागातील अजय अंकुश तौर (रा.स्वस्तिक चेंबर अपा.) यांची स्प्लेंडर बुधवारी (दि.११) त्यांच्या सोसायटीच्या पार्किंगमध्ये लावलेली असतांना ती चोरट्यांनी पळवून नेली. याप्रकरणी मुंबईनाका पोलिस ठाण्यात गुन्हा दाखल करण्यात आला असून अधिक तपास हवालदार पवार करीत आहेत.
घरात शिरून चोरट्यांनी लॅपटॉप व मोबाईल केला लंपास
नाशिक (इंडिया दर्पण वृत्तसेवा) – सिडकोतील सावतानगर भागात घरात शिरून चोरट्यांनी लॅपटॉप व मोबाईल असा सुमारे ४० हजाराचा ऐवज चोरून नेला. ही घटना भरदिवसा घडली. याप्रकरणी अंबड पोलिस ठाण्यात चोरीचा गुन्हा दाखल करण्यात आला आहे.
मंगल कृष्णा कलवर यांनी याप्रकरणी तक्रार दाखल केली आहे. कलवर या मंगळवारी (दि.१०) घरकामात व्यस्त असतांना ही घटना घडली. अज्ञात चोरट्यांने उघड्या दारातून घरात प्रवेश करीत टेबलावर ठेवलेला लॅपटॉप आणि मोबाईल असा सुमारे ४० हजार रूपये किमतीचा ऐवज चोरून नेला. अधिक तपास पोलिस नाईक अतुल बनतोडे करीत आहेत.
Nashik City Crime Police Theft dacoity murder suicide fight beaten
