नाशिक (इंडिया दर्पण वृत्तसेवा) – कामगारनगर भागात पेटीतून ड्रील व कटर मशिन चोरून नेणा-या चोरट्याला पोलिसांनी गजाआड केले आहे. संशयिताकडून मुद्देमाल जप्त करण्यात आला असून याप्रकरणी आडगाव पोलिस ठाण्यात चोरीचा गुन्हा दाखल करण्यात आला आहे.
पोलिसांनी दिलेल्या माहितीनुसार प्रविण सुरेश पवार (२७ रा.निलगिरी बाग,औरंगाबादरोड) असे अटक केलेल्या संशयिताचे नाव आहे. याप्रकरणी सुनिल रामरंग शर्मा (रा. विहंग सोसा. रूख्मिनी लॉन्स समोर, बिडीकामगारनगर) यांनी तक्रार दाखल केली आहे. शर्मा यांचा फर्निचरचा व्यवसाय आहे.
संशयिताने शनिवारी (दि.७) रात्री शर्मा यांच्या राहत्या इमारतीच्या भितीवरून उडी मारून प्रवेश करीत ही चोरी केली होती. घराच्या बाहेर ठेवलेल्या फर्निचर पेटीतून ड्रील व कटर मशिन,रॉटर मशिन आणि वायर बंडल असा सुमारे १४ हजार २०० रूपयांचा ऐवज चोरून नेला. अधिक तपास हवालदार राजूळे करीत आहेत.
Nashik City Crime Police Theft dacoity murder suicide fight beaten
