नाशिक (इंडिया दर्पण वृत्तसेवा) – वाढदिवस साजरा करणे आनंदाजी बाब असते. पण, तो साजरा करतांना नियम पाळले नाही तर वाढदिवस अंगलट येतो. नाशिकमध्ये असाच वाढदिवस तरुणांच्या अंगलट आला असून पोलिसांनी थेट गुन्हाच दाखल केला आहे. सार्वजनिक ठिकाणी जमाव जमवून उघड्यावर वाढदिवस साजरा करणे या तरुणांना महागात पडले आहे. बेकायदेशीरपणे गर्दी जमविल्याप्रकरणी सदर तरूणासह त्याच्या आठ ते दहा ज्ञात अज्ञात साथीदाराविरोधात अंबड पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार सुरज ओमप्रकाश राजपूत (रा.संस्कृती अपा.हिंदी शाळेजवळ,दत्तनगर अंबड), जीवन दिघोळे व त्यांचे आठ ते दहा साथीदार अशी गुन्हा दाखल करण्यात आलेल्या संशयितांची नावे आहेत. याबाबत पोलिस अंमलदार सावंत यांनी फिर्याद दाखल केली आहे. राजपूत व दिघोळे यांनी सोमवारी (दि.४) सायंकाळच्या सुमारास कारगिल चौकातील जय कलेक्शन जवळील मोकळया मैदानात बेकायदा जमाव जमवून वाढदिवस साजरा करतांना मिळून आले.
विनापरवानगी वाढदिवस साजरा करणा-या दहा ते बारा जणांच्या टोळक्याने केक कापून वाढदिवस साजरा केला. याबाबत बर्थ डे बॉय सह टोळक्याविरोधात गुन्हा दाखल करण्यात आला असून अधिक तपास हवालदार चव्हाण करीत आहेत.
Nashik City Crime Police Theft dacoity murder suicide fight beaten
