नाशिक (इंडिया दर्पण वृत्तसेवा)- छत्रपती संभाजीनगर ते नाशिक दरम्यानच्या प्रवासात बसमधून प्रवास करणा-या महिलेच्या सुमारे सात लाख रूपये किमतीच्या दागिणे चोरट्यांनी चोरुन नेले. महिलेची नजर चुकवून भामट्यांनी बॅगमधील दागिणे हे दागिने लंपास केले. याप्रकरणी म्हसरूळ पोलिस ठाण्यात चोरीचा गुन्हा दाखल करण्यात आला आहे.
अश्विनी मनोज निकम (२९ रा.वृदावननगर,किशोर सुर्यवंशी मार्ग म्हसरूळ) या महिलेने याप्रकरणी तक्रार दाखल केली आहे. निकम या संभाजीनगर येथे गेल्या होत्या. बुधवारी (दि.२९) सकाळी त्या नाशिक संभाजीनगर बसमधून परतीचा प्रवास करीत असतांना हा प्रकार घडला.
अज्ञात चोरट्यांनी निकम यांची बॅग उघडून सुमारे ६ लाख ९० हजार रूपये किमतीचे दागिणे चोरून नेले. ही बाब घरी पोहचल्यानंतर उघडकीस आली असून अधिक तपास जमादार हळदे करीत आहेत.
Nashik City Crime Police Theft dacoity murder suicide fight beaten
