नाशिक (इंडिया दर्पण वृत्तसेवा) – काठेगल्लीतील तपोवन रोडभरधाव दुचाकीच्या धडकेत ७१ वर्षीय वृध्द ठार झाले हा अपघात भागात झाला. मृत वृध्द दुध घेण्यासाठी रस्त्याने पायी जात असतांना ही घटना घडली. याप्रकरणी भद्रकाली पोलिस ठाण्यात अपघाताची नोंद करण्यात आली आहे.
शंकर चंदू आहेर (रा.राधाशिल्प अपा.गणेश नगर, काठेगल्ली) असे मृत वृध्दाचे नाव आहे.
आहेर सोमवारी (दि.२) सायंकाळच्या सुमारास परिसरातील बधाई स्विट दुकानाच्या दिशेने दुध घेण्यासाठी पायी जात असतांना हा अपघात झाला. तपोवन रोडच्या दिशेने ते जात असतांना पाठीमागून भरधाव येणा-या दुचाकीने त्यांना जोरदार धडक दिली. या अपघातात गंभीर जखमी झालेल्या आहेर यांना मुलगा प्रशांत आहेर यांनी तात्काळ जिल्हा रूग्णालयात दाखल केले असता उपचार सुरू असतांना डॉ. अदित्य कोंडपल्ले यांनी मृत घोषीत केले. अधिक तपास उपनिरीक्षक तोंडे करीत आहेत.
कपाटात ठेवलेली ५७ हजाराची रोकड चोरीला
नाशिक (इंडिया दर्पण वृत्तसेवा) – पेठरोड भागात घरात शिरून चोरट्यांनी कपाटात ठेवलेली ५७ हजाराची रोकड चोरून नेली. याप्रकरणी पंचवटी पोलिस ठाण्यात चोरीचा गुन्हा दाखल करण्यात आला आहे.
सोनाली अमोल सुसलादे (रा.मनजित सोसा.दत्तनगर) यांनी तक्रार दाखल केली आहे. सुसलादे या सोमवारी (दि.२) सकाळच्या सुमारास अल्पशा कामानिमित्त आपल्या राहत्या घराचा लोटून घेत इमारती खाली उतरल्या असता ही घटना घडली.
अज्ञात चोरट्यांनी उघड्या घरात शिरून ही चोरी केली. घरात शिरलेल्या चोरट्यांनी हॉलमधील कपाट उघडून लॉकरमध्ये ठेवलेली सुमारे ५७ हजाराची रोकड चोरून नेली. अधिक तपास हवालदार चव्हाण करीत आहेत.
Nashik City Crime Police Theft dacoity murder suicide fight beaten
