नाशिक (इंडिया दर्पण वृत्तसेवा) – जुगार खेळणा-या पाच जणांच्या पोलिसांनी कारवाई करत चार हजाराचे जुगाराचे साहित्य जप्त केले आहे. गोसावीवाडी भागात बंद घराच्या आडोश्याला हे पाचही जण जुगार खेळत होते.याप्रकरणी नाशिकरोड पोलिस ठाण्यात गुन्हा दाखल करण्यात आला आहे.
फिरोज ख्वाजा मोहम्मद शेख (रा. विष्णूनगर,सिन्नरफाटा), शफिक खान रहेमान खान (रा.पाटील गॅरेज मागे,ना.रोड),आकाश प्रकाश दिवेकर (रा.भालेराव मळा.जयभवानीरोड),असिफ बशिर शेख (रा.गाडेकर मळा,देवळाली गाव) व विक्की कैलास सोनवणे (रा.रेल्वे कॉलनी,सिन्नरफाटा) अशी संशयित जुगारींची नावे आहेत.
गोसावीवाडीतील विजया स्विट मार्ट पाठीमागील एका बंद घराच्या आडोशाला काही युवक जुगार खेळत असल्याची माहिती पोलिसांना मिळाली होती. त्यानुसार सोमवारी (दि.२) नाशिकरोड पोलिसांनी धाव घेतली असता संशयित पत्यांच्या कॅटवर अंदर बाहर नावाचा जुगार खेळतांना मिळून आले. संशयितांच्या ताब्यातून ३ हजार ८५० रूपयांची रोकड व जुगाराचे साहित्य असा मुद्देमाल हस्तगत करण्यात आला असून याप्रकरणी अमंलदार गाडेकर यांच्या फिर्यादीवरून पोलिस दप्तरी गुन्हा दाखल करण्यात आला आहे. अधिक तपास हवालदार शेख करीत आहेत.
आत्महत्येचे सत्र सुरुच: शहरात दोन जणांनी केली आत्महत्या
नाशिक (इंडिया दर्पण वृत्तसेवा) – शहरातील वेगवेगळया भागात राहणा-या दोन जणांनी सोमवारी (दि.२) आत्महत्या केली. दोघांच्याही आत्महत्येचे कारण समजू शकले नाही. याप्रकरणी भद्रकाली आणि गंगापूर पोलिस ठाण्यात मृत्यूची नोंद करण्यात आली आहे.
पहिली घटना ध्रुवनगर भागात घडली. राजेंद्र विष्णू खिल्लारे (रा.यश ब्लासम अपा.ध्रुवनगर) यांनी सोमवारी आपल्या राहत्या घरी अज्ञात कारणातून विषारी औषध सेवन केले होते. ही बाब निदर्शनास येताच पत्नी अश्विनी खिल्लारे यांनी त्यांना तात्काळ जिल्हा रूग्णालयात दाखल केले असता वैद्यकीय सुत्रांनी मृत घोषीत केले. याबाबत गंगापूर पोलिस ठाण्यात मृत्यूची नोंद करण्यात आली असून अधिक तपास पोलिस नाईक हिंडे करीत आहेत.
दुस-या घटनेत टाकळीरोड भागात राहणा-या दीपक धर्मराज पवार (रा.ठक्कर हार्मोनी) यांनी सोमवारी दुपारच्या सुमारास अज्ञात कारणातून आपल्या घरातील बेडरूममध्ये पंख्याला ओढणी बांधून गळफास लावून घेतला होता. त्यात त्यांचा मृत्यू झाला. याबाबत अशोक पवार यांनी दिलेल्या खबरीवरून भद्रकाली पोलिसात मृत्यूची नोंद करण्यात आली असून, अधिक तपास पोलिस नाईक सय्यद करीत आहेत.
Nashik City Crime Police Theft dacoity murder suicide fight beaten
