नाशिक (इंडिया दर्पण वृत्तसेवा) – औद्योगीक वसाहतीतील बॉश कंपनी परिसरात भरधाव कारने दिलेल्या धडकेत ३२ वर्षीय दुचाकीस्वार ठार झाला. सातपूर पोलिस ठाण्यात गुन्हा दाखल करण्यात आला आहे. संदिप सुखदेव गायकवाड (३२ रा.महालक्ष्मी चौक,सातपूर) असे मृत दुचाकीस्वाराचे नाव आहे.
गायकवाड शनिवारी (दि.४) सायंकाळच्या सुमारास औद्योगीक वसाहतीतून दुचाकीवर आपल्या घराकडे जात असतांना हा अपघात झाला. बॉश कंपनीसमोरून ते दुचाकीवर प्रवास करीत असतांना पाठीमागून भरधाव आलेल्या बलेनो एमएच ०५ इक्यू ४२८८ या कारने दुचाकीस धडक दिली.
या अपघातात गायकवाड यांना गंभीर दुखापत झाल्याने त्यांना तातडीने जिल्हारूग्णालयात दाखल केले असता रविवारी उपचार सुरू असतांना त्यांचा मृत्यू झाला. अधिक तपास जमादार गावीत करीत आहेत.
Nashik City Crime Police Theft dacoity murder suicide fight beaten
