नाशिक (इंडिया दर्पण वृत्तसेवा) – अंदर बाहर जुगार खेळणा-या चार जणांना पोलिसांनी गजाआड करुन त्यांच्या ताब्यात रोकडसह जुगाराचे साहित्य असा सुमारे १ हजार ७८० रूपये किमतीचा मुद्देमाल जप्त केला आहे. वाघाडी परिसरात उघड्यावर हे चारही जण जुगार खेळत होते. याप्रकरणी पंचवटी पोलिस ठाण्यात गुन्हा दाखल करण्यात आला आहे.
किरण भिला खरात ,पंडीत नाना महापुरे, तुळशीराम श्यामराव खंदारे व शेख रसूल शेख निजामुद्दीन (रा. सर्व वाल्मिकनगर, वाघाडी पंचवटी) अशी संशयित जुगारींची नावे आहेत. वाघाडी नाला भागात काही युवक उघड्यावर जुगार खेळत असल्याची माहिती पोलिसांना मिळाली होती. त्यानुसार बुधवारी (दि.२०) पथकाने धाव घेत छापा टाकला.
यावेळी वाघाडी नाल्याच्या कडेला असलेल्या सार्वजनिक सुलभ शौच्छालय परिसरात संशयित पत्यांच्या कॅटवर अंदर बाहर जुगार खेळतांना मिळून आले. संशयितांच्या ताब्यातून एक हजार ७८० रूपयांची रोकड व जुगाराचे साहित्य हस्तगत करण्यात आले असून याबाबत पोलिस नाईक शिंदे यांनी फिर्याद दाखल केल्याने पोलिस दप्तरी गुह्याची नोंद करण्यात आली आहे. अधिक तपास पोलिस नाईक भोईर करीत आहेत.
Nashik City Crime Police Theft dacoity murder suicide fight beaten
