नाशिक (इंडिया दर्पण वृत्तसेवा) – भद्रकाली भाजी मार्केट भागात कुठलेही कारण नसतांना तीन जणांच्या टोळक्याने एकास बेदम मारहाण केल्याची घटना घडली. या घटनेत दगड फेकूण मारल्याने सदर व्यक्ती जखमी झाली आहे. याप्रकरणी भद्रकाली पोलिस ठाण्यात गुन्हा दाखल करण्यात आला आहे.
बाबू राजू शेख (३५ रा.म्हाडा बिल्डींग,सहकारनगर) यांनी याप्रकरणी तक्रार दाखल केली आहे. शेख मंगळवारी (दि.१९) जुने नाशिक परिसरात गेला होता. सायंकाळच्या सुमारास तो भद्रकाली भाजी मार्केट परिसरातील सार्वजनिक मुतारीत गेला असता ही घटना घडली.
अज्ञात त्रिकुटाने त्यास गाठून कुठलेही कारण नसतांना शिवीगाळ व दमदाटी करीत लाथाबुक्यांनी बेदम मारहाण केली. यावेळी शेख याने बचावासाठी पळण्याचा प्रयत्न केला असता संशयितांपैकी एकाने त्यास दगड फेकून मारला. या घटनेत त्याच्या डोक्यास दुखापत झाली असून अधिक तपास पोलिस नाईक आहेर करीत आहेत.
Nashik City Crime Police Theft dacoity murder suicide fight beaten
…………
