नाशिक (इंडिया दर्पण वृत्तसेवा) – शहरातील वेगवेगळया भागातून चार मोटारसायकली चोरीला गेल्या आहे. याप्रकरणी नाशिकरोड,पंचवटी आणि म्हसरूळ पोलिस ठाण्यात चोरीचे गुन्हे दाखल करण्यात आले आहे.
पहिली घटना मखमलाबाद शिवारात घडली. हेमंत रामचंद्र निकुंभ (रा.मंगलमुर्ती अपा. स्वामी विवेकानंदनगर) यांनी याप्रकरणी तक्रार दाखल केली आहे. निकुंभ यांची यामाहा दुचाकी एमएच १५ जीजे ६६०२ गेल्या बुधवारी (दि.२७) रात्री त्यांच्या घराच्या पार्किंगमध्ये लावलेली असतांना चोरट्यांनी ती पळवून नेली. याप्रकरणी म्हसरूळ पोलिस ठाण्यात गुन्हा दाखल करण्यात आला असून अधिक तपास पोलिस नाईक लिलके करीत आहेत.
दुसरी घटना रामवाडी भागात घडली. अल्पेश अनिल ओस्तवाल (रा.आदित्य अपा.तळेनगर रामवाडी) यांची दुचाकी एमएच १५ जीएम २२५० बुधवारी (दि.२७) त्यांच्या सोसायटीच्या पार्किंगमध्ये लावलेली असतांना चोरट्यांनी ती पळवून नेली. याबाबत पंचवटी पोलिस ठाण्यात गुह्याची नोंद करण्यात आली असून अधिक तपास पोलिस नाईक बाविस्कर करीत आहेत.
तिसरी घटना मालेगाव स्टॅण्ड भागात घडली. धनश्री विवेक अंधारे (रा.काठेगल्ली,द्वारका) यांनी याप्रकरणी तक्रार दाखल केली आहे. अंधारे या मंगळवारी (दि.२६) मालेगाव स्टॅण्ड भागात गेल्या होत्या. सिग्नल परिसरात त्यांनी आपली अॅक्टीव्हा एमएच १५ डीक्यू ३९५० पार्क केली असता ती चोरट्यांनी पळवून नेली. याबाबत पंचवटी पोलिस ठाण्यात नोंद करण्यात आली असून अधिक तपास हवालदार माळोदे करीत आहेत.
चौधी घटना नाशिकरोड येथे घडली. समधान अशोक बर्डे (रा.बेळगाव तराळे ता. इगतपुरी) हे मंगळवारी (दि.२६) कामानिमित्त विभागीय महसूल कार्यालयात गेले होते. पार्किंगमध्ये लावलेली त्यांची पल्सर एमएच १५ एचएफ ७९१९ चोरट्यांनी पळवून नेली. याप्रकरणी नाशिकरोड पोलिस ठाण्यात गुह्याची नोंद करण्यात आली असून अधिक तपास पोलिस नाईक गायकवाड करीत आहेत.
Nashik City Crime Police Theft dacoity murder suicide fight beaten
