नाशिक(इंडिया दर्पण वृत्तसेवा) – कामटवाडा परिसरात बंद घराचा कडीकोयंडा तोडून चोरट्यांनी सुमारे सव्वा तीन लाख रूपये किमतीचा ऐवज चोरून नेला. या घरफोडीत चोरट्यांनी रोकडसह सोन्याचांदीचे दागिने लंपास केले. आहे. याप्रकरणी अंबड पोलिस ठाण्यात घरफोडीचा गुन्हा दाखल करण्यात आला आहे.
विशाल लक्ष्मणराव देशमुख (रा.डीजीपीनगर २ कामटवाडे) यांनी याप्रकरणी तक्रार दाखल केली आहे. देशमुख कुटुंबिय रविवारी (दि.२४) बाहेरगावी गेले असता ही घटना घडली.
अज्ञात चोरट्यांनी त्यांच्या बंद घराचा कडीकोयंडा तोडून बेडरूममधील कपाटात ठेवलेले सोन्याचांदीचे दागिणे व रोकड असा ३ लाख ३५ हजार २५० रूपये किमतीचा ऐवज चोरून नेला. अधिक तपास सहाय्यक निरीक्षक खतेले करीत आहेत.
Nashik City Crime Police Theft dacoity murder suicide fight beaten
