नाशिक (इंडिया दर्पण वृत्तसेवा) – सिडकोतील उत्तमनगर भागात हद्दपारीची कारवाई केलेली असतांना शहरात वावर ठेवणा-या गावगुंडास पोलिसांनी बेड्या ठोकल्या. ही कारवाई करण्यात आली. याप्रकरणी अंबड पोलिस ठाण्यात गुन्हा दाखल करण्यात आला आहे.
निखाली सुभाष लाड (रा.महाकाली चौक,साईबाबानगर) असे संशयित तडिपाराचे नाव आहे. लाड याच्या गुन्हेगारी कारवायांमुळे त्यास शहर पोलिसांनी तीन महिन्यांच्या कालावधीसाठी शहर व जिह्यातून हद्दपार केले आहे. मात्र त्याचा वावर सिडको परिसरातच होता.
पोलिस त्याच्या मागावर असतांना सोमवारी (दि.२५) उत्तमनगर परिसरातील शिवपुरी चौकातील संभाजी स्टेडिअम कडे जाणा-या मार्गावर तो मिळून आला. याबाबत पोलिस शिपाई तुषार मते यांनी फिर्याद दाखल केली असून अधिक तपास पोलिस नाईक देशमुख करीत आहेत.
Nashik City Crime Police Theft dacoity murder suicide fight beaten
