नाशिक (इंडिया दर्पण वृत्तसेवा) -पाथर्डीगावात वाहन दुरूस्तीस नकार दिल्याने टोळक्याने गॅरेज मालकासह कामगारास बेदम मारहाण केली, या घटनेत दोघे जखमी झाले असून टोळक्यातील चार जणांना पोलिसंनी अटक केली आहे. याप्रकरणी इंदिरानगर पोलिस ठाण्यात गुन्हा दाखल करण्यात आला आहे.
याप्रकरणी कौसर आलम ज्ञानमोहम्मद अली (२४ रा.बिहार हल्ली पाथर्डी सर्कल) यांनी तक्रार दाखल केली आहे. सरफराज रफिक शेख (२२ रा.इंदिरानगर वसाहत क्र.२,लेखानगर), तुषार संजय नेले (१९ रा. मेगा पार्क ढोले कॉलनी, भुजबळ फार्म सिडको), राहूल भारत गवारे (२३ रा.सिटी क्लासेस समोर,शिवाजी चौक सिडको), विसंबा उर्फ सनीराजू आठवले (रा.इंदिरावसाहत क्र.१ लेखानगर) अशी पोलिसांनी ताब्यात घेतलेल्या संशयितांची नावे आहेत.
कौसर अली या परप्रांतीय युवकाचे पाथर्डी सर्कल भागात चांद टायर पंचर दुकान आहे. शुक्रवारी (दि.२२) रात्री कौसर अली व कामगार शहबाज आलम हे दोघे आपले पंक्चरचे दुकान वाढवून स्वयंपाक करीत असताना ही घटना घडली. या ठिकाणी संशयित नादूरूस्त वाहन घेवून आले. त्यांनी दोघांना वाहन दुरूस्त करून देण्यास सांगितले मात्र गॅरेज मालक व कामगाराने नकार दिल्याने ही घटना घडली.
संतप्त टोळक्याने दोघांना शिवीगाळ व दमदाटी करीत बेदम मारहाण केली. यावेळी एकास दगड फेकूण मारल्याने तर दुस-यास काही तरी हत्याराने मारहाण करण्यात आल्याने दोघे जखमी झाले असून याबाबत तक्रार प्राप्त होताच पोलिसांनी या टोळक्यातील चौघांना हुडकून काढले आहे. अधिक तपास सहाय्यक निरीक्षक राजपूत करीत आहेत.
Nashik City Crime Police Theft dacoity murder suicide fight beaten
