नाशिक (इंडिया दर्पण वृत्तसेवा) – गोदाघाटावरील गाडगे महाराज धर्मशाळा भागात हद्दपारीची कारवाई केलेली असतांना शहरात वावरणा-या तडिपारास पोलिसांनी गजाआड केले. याप्रकरणी भद्रकाली पोलिस ठाण्यात गुन्हा दाखल करण्यात आला आहे. सनी सोमनाथ दोडके (२ रा. कुंभारवाडा,काझी गढी जुने नाशिक) असे अटक करण्यात आलेल्या तडिपार गुंडाचे नाव आहे.
सनी दोडके यास गुन्हेगारी कारवायामुळे पोलिसांनी शहर आणि जिह्यातून हद्दपार केले आहे. मात्र त्याचा वावर शहरातच असल्याची माहिती पोलिसांना मिळाली होती. पोलिस त्याच्या मागावर असतांना रविवारी (दि.२४) सायंकाळच्या सुमारास तो शहर गुन्हे शाखेच्या युनिट १ पथकाच्या हाती लागला.
गोदाघाटावरील गाडगे महाराज धर्मशाळा भागात त्यास सापळा लावून जेरबंद करण्यात आले असून, याबाबत युनिट १ चे कर्मचारी रमेश कोळी यांनी दिलेल्या फिर्यादीवरून गुह्याची नोंद करण्यात आली असून अधिक तपास पोलिस नाईक जुद्रे करीत आहेत.
Nashik City Crime Police Theft dacoity murder suicide fight beaten
