नाशिक (इंडिया दर्पण वृत्तसेवा) –शहरात वेगवेगळया भागातून पार्क केलेल्या स्विफ्ट कारसह एक मोटारसायकल गुरूवारी चोरट्यांनी चोरून नेली. याप्रकरणी पंचवटी आणि भद्रकाली पोलिस ठाण्यात गुह्याची नोंद करण्यात आली आहे.
पहिली घटना शालिमार भागात घडली. वैशाली कचेश्वर गवारे (रा.श्रमनगर,उपनगर) यांनी याप्रकरणी तक्रार दाखल केली आहे. गवारे या गुरूवारी शालिमार भागात आल्या होत्या. नेहरू गार्डन परिसरात त्यांनी आपली अ‍ॅक्टीव्हा एमएच १५ इसी ०८१२ पार्क केली असता ती चोरट्यांनी पळवून नेली. याप्रकरणी भद्रकाली पोलिस ठाण्यात गुन्हा दाखल करण्यात आला असून अधिक तपास हवालदार बोळे करीत आहेत.
दुस-या घटनेत हिरावाडीतील राजेश विठ्ठल क-हेकर (रा.ओमसाई,शक्तीनगर) यांची स्विफ्ट कार एमएच १५ ईपी ०६३५ गुरूवारी रात्री त्यांच्या घरासमोर पार्क केलेली असतांना ती चोरट्यांनी चोरून नेली. याप्रकरणी पंचवटी पोलिस ठाण्यात गुह्याची नोंद करण्यात आली असून अधिक तपास पोलिस नाईक खाजेकर करीत आहेत.
Nashik City Crime Police Theft dacoity murder suicide fight beaten
