इंडिया दर्पण वृत्तसेवा
नाशिक – चार्जिंगला लावलेल्या मोबाईल मुळे घरात स्फोट होऊन कुटुंबातील तीन जण जखमी झाल्याची घटना उत्तमनगर येथे सकाळी सहा वाजता घडली. या स्फोटामुळे मोठी आग भडकून घराचे नुकसान झाले असून घरातील साहित्य जळून खाक झाले. स्फोटाची तीव्रता इतकी भीषण होती. घरात झालेल्या स्फोटामुळे घराबाहेरील गाड्यांच्या व आजूबाजूच्या घरांच्या काचा फुटल्या. त्यामुळे परिसरात काहीशी घबराट पसरली.
या स्फोटात तुषार जगताप, शोभा जगताप, बाळकृष्ण सुतार हे जखमी झाले आहेत. या जखमी झालेल्यामध्ये एकाची तब्येत गंभीर आहे. स्फोट झाल्यानंतर जखमींना खासगी रुग्णालयात दाखल करण्यात आले आहे. हा स्फोट मोबाइल चार्जिग करतांना झाला असावा असा असा प्राथमिक अंदाज आहे. हा स्फोट मोबाइल चार्जिगमुळे झाला की इतर काही कारणामुळे याचा शोध पोलिस घेत आहे.
ही घटना घडल्यानंतर अंबड पोलिस तातडीने घटनास्थळी दाखल झाले. त्यानंतर त्यानी तपास सुरु केला आहे.
An explosion in the house due to a charging mobile phone, three people were injured
