इंडिया दर्पण ऑनलाईन डेस्क
आपल्या राज्यात खंडाळा, लोणावळा, माथेरान, महाबळेश्वर, पाचगणी सारखी अनेक पर्यटन स्थळे आहेत, या ठिकाणी केवळ राज्यातीलच नव्हे तर देशभरातील पर्यटक येत असतात, मात्र गेल्या काही दिवसांमध्ये पर्यटन स्थळे हे महिला तरुणांसाठी सुरक्षित ठिकाण नसल्याचे आणि घटनांवरून दिसून येत आहे या ठिकाणी अनेक गैरप्रकार घडतात, विशेषतः महिलांवरील अत्याचाराच्या घटनाही वाढल्याने मोठा संताप व्यक्त होत आहे. त्यातच आता आणखी दोनन भयानक घटना लोणावळ्यासारखे प्रसिद्ध पर्यटन स्थळी घडली.
परराज्यातून आलेल्या दोन अल्पवयीन मुलींवर अत्याचार करण्यात आले. याप्रकरणी दोन वेगवेगळे गुन्हे दाखल करण्यात आले आहेत. अत्याचार करणाऱ्यांमध्ये काही महिलांचाही समावेश असून ही अत्यंत दुर्दैवी व भयानक घटना म्हणावी लागेल, यात दहापैकी ४ जणांना अटक करण्यात आली असून बाकी ६ जण फरार आहेत. त्याचा पोलीस शोध घेत आहेत. मात्र या दोन घटनांमुळे संपूर्ण पुणे, ठाणे, मुंबई परिसरात मोठी खळबळ उडाली आहे.
पहिल्या घटनेत रेल्वे स्थानक परिसरात थांबलेल्या एका अल्पवयीन मुलीचे दुचाकीवरुन आलेल्या दोघांनी अपहरण केले. हनुमान टेकडी परिसरातील एका घरात मुलीला साखळीने बांधून ठेवले. त्यानंतर तीला मारहाण करुन अत्याचार करण्यात आले. या गुन्ह्यात १० सहभाग असल्याचे समोर आले असून त्यात ५ महिला व ३ पुरूष आहेत. तर दोघे अल्पवयीन आहेत. या घटनेनंतर पुणे पोलिसांनी आतापर्यंत ४ आरोपींना अटक केली आहे. या घटनेत पोलिसांनी अपहरण केलेल्या एका मुलाचीही सुटका केली. या घटनेत बेताब आनंद पवार, मंदा पवार, संजना पवार, बबलू पवार, अर्चना पवार, किरण पवार, मोनिका पवार, राज सिद्धेश्वर शिंदे, करीना शिंदे (सर्व रा. क्रांतीनगर, हनुमान टेकडी, लोणावळा) यांच्याविरुद्ध गुन्हा दाखल करण्यात आला.
दुस-या घटनेत उत्तरप्रदेशातील अल्पवयीन मुलीचे अपहरण करुन तिच्यावर अत्याचार करण्यात केल्याचेही समोर आले. रेल्वे स्थानक परिसरात ही मुलगी थांबली असतांना तिला पळवून नेऊन तिला मारहाण करुन अत्याचार करण्यात आले. तिचा मोबाइलही आरोपींनी ताब्यात घेतला. तिने दिलेल्या फिर्यादीनुसार करीना शिंदे, मंदाकिनी पवार, संजना ठाकूर, बबलू पवार, राज पवार, बेताब पवार, ज्ञानेश्वर लोकरे यांच्याविरुद्ध गुन्हा दाखल करण्यात आला.
Kidnapping and gang rape of girls… Shocking type in Lonavala…
