लासलगाव (इंडिया दर्पण वृत्तसेवा)- शहरातील गजबजलेल्या मुख्यबाजार पेठेत असलेल्या एका साडीच्या दुकानात दोघा महिलांनी साडी खरेदीच्या बहाण्याने दुकान जात दुकानदाराच्या नकळत साड्या चोरल्या. त्यांची साडी चोरतानांची हातचलाखी मात्र दुकानातील सीसीटीव्ही कॅमे-यात कैद झाली आहे. या महिलांनी महागड्या किमतीच्या साड्या चोरुन नेल्या. या चोरीत दोन महिला होत्या हे सीसीटीव्ही कॅमेरात दिसत आहे. या महिला दुकानातून गेल्यावर दुकानदाराच्या हा सर्व प्रकार लक्षात आला.
अशाच प्रकारची चोरी सिन्नर तालुक्यातील नांदूरशिंगोटे येथील कापड दुकानातून महिनाभरापूर्वी झाली होती. या दुकानात साड्यांची चोरी करणा-या सहा महिलांना पोलिसांनी गजाआड केले होते. या महिलांनी साड्यांची चोरी करुन पळ काढला. पण, अवघ्या काही तासांतच या महिलांना मुद्देमालासह वावी पोलिसांनी अटक केली होती.
या चोरीचाही संपूर्ण प्रकार दुकानातील सीसीटीव्ही कॅमेरात कैद झाला होता. साड्या आवडल्या नाही असे सांगत महिला खाली आल्या. त्यांच्यापाठोपाठ दुकानात आलेले दोघे तरुण बाहेर पडले. दुकानाबाहेर उभ्या असलेल्या दोन रिक्षांमधून मधून ते निघून गेले. महिलांच्या वर्तनाबाबत संशय वाटल्याने दुकानदाराने सीसीटीव्ही फुटेज तपासले. यात महिलांनी साड्या चोरुन नेल्याचे दिसून आले. सिन्नर येथे झालेली ही साडयांची चोरी लासलगावमध्ये सुध्दा झाली आहे. या ठिकाणी सुध्दा चोर महिला सीसीटीव्ही कॅमेरात कैद झाल्या आहे.
Two women stealing expensive sarees from a shop in Lasalgaon caught on CCTV
