इंडिया दर्पण ऑनलाईन डेस्क
जळगावचे जिल्हाधिकारी आयुष प्रसाद हे गणेश विसर्जन मिरवणूकीत ढोल वाजवल्याचा व्हिडिओ सर्वत्र व्हायरल होत आहे. आतापर्यंत राजकीय नेत्यांचे असे व्हिडिओ समोर आले होते. पण, एका वरीष्ठ अधिका-यांनी ढोल वाजवून ढेका धरल्याचे चित्र फार कमी बघायला मिळतात. आपल्या गतीमान प्रशासकीय कामामुळे आयुष प्रसाद प्रसिध्द आहेच. पण, त्यांची ढोल वाजवण्याची कला प्रथमच जळगावला अनुभवायला मिळाली.
नुकतेच त्यांनी शासकीय कामकाजामध्ये अधिकाधिक पारदर्शकता आणि उत्तरदायित्व निर्माण करण्यासाठी प्रत्येक शासकीय कार्यालयाने माहिती अधिकार अधिनियम २००५ ची माहिती स्वत:हून जाहीर करावी. अशा सूचना जिल्ह्यातील सर्व शासकीय कार्यालयांना दिल्या आहेत. त्यामुळे त्याची चर्चा सुध्दा आहे.
त्यात आता त्यांनी ढोल वाजवून गणेश भक्तांच्या उत्साहामध्ये भर टाकली त्याचा आनंदही जळगावमध्ये आहे. त्यामुळे त्यांचा हा व्हिडिओ सर्वत्र व्हायरल होत आहे.
