गदर २ चित्रपटाच्या सक्सेसचा आनंद घेण्यासाठी सनी मला यूएसला घेऊन आला, धमेंद्रची ही पोस्ट जोरात व्हायरल

इंडिया दर्पण ऑनलाईन डेस्क
गदर २ प्रदर्शित झाल्यानंतर त्याला मिळालेल्या यशाबद्दल चित्रपट अभिनेते धमेंद्र यांनी सोशल मीडियावर एक पोस्ट व्हायरल केली आहे. ती सध्या सर्वत्र व्हायरल होत आहे. या पोस्टमध्ये धर्मेंद्र यांनी म्हटले की, मित्रांनो, भाग्यवान बाप तो असतो ज्याचा मुलगा कधी कधी बाप होतो आणि मुलांशी भांडतो. सनी देओल हा गदर २ चित्रपटाच्या सक्सेसचा आनंद घेण्यासाठी मला घेऊन यूएसला आला. मित्रांनो, गदर २ ला तुम्ही ब्लॉकबस्टर चित्रपट बनवल्याबद्दल तुमच्या शुभेच्छांबद्दल मी तुमचा नक्कीच आभारी आहे.

तब्बल २२ वर्षांनी प्रेक्षकांच्या भेटीला सनी देओल याचा गदर २ प्रदर्शित झाला. त्यानंतर या चित्रपटाने मोठे यश मिळवले. सुरुवातीला या चित्रपटावर समीक्षकांनी टीका केली. पण, प्रेक्षकांनी या चित्रपटाला मोठा प्रतिसाद दिला. त्यामुळे हा चित्रपट सुपरहिट ठरला. या चित्रपटाच्या य़शानंतर सध्या देओल फॅमिली मोठ्या खुशीत आहे. इतक्या दिवसानंतर त्यांना हे मोठे यश बघायला मिळाले.

या चित्रपटाचे सनी देओलने जोरदार प्रमोशही केले होते. या चित्रपटाच्या य़शानंतर काही दिवसापूर्वी सनी देओल यांनी सर्व कलाकांरासाठी एक पार्टी दिली होती. त्यामुळे तो सतत व्यस्त होता. पण, आता थोडासा वेळ तो कुटुंबियांसोबत परदेशात घालवत आहे. येथे धर्मेंद्र यांच्यावर काही दिवस उपचारही घेणार आहे. काही दिवसांपूर्वीच वडिलांसोबत मस्त पिझ्झा खाताना सनी देओल हा दिसला.
This post of Dhamendra is very viral