अमरावती (इंडिया दर्पण वृत्तसेवा) – अमरावती जिल्ह्याच्या चिखलदरा येथे पर्यटकांची कार १०० फूट खोल दरीत कोसळल्याची घटना घडली आहे. या अपघातात तिघांचा मृत्यू झाला. तर चारजण जखमी झाले.
परतवाडा ते चिखलदरा मार्गावर मोथा गावाजवळ ही कार खोल दरीत कोसळली आहे. या भीषण अपघातात तिघांचा जागीच मृत्यू झाला आहे. तर चारजण गंभीर जखमी झाले आहेत. हे सर्व मृतक आणि जखमी आंध्रप्रदेशातील आहे. या घटनेची माहिती मिळताच स्थानिक नागरिक आणि पोलिसांनी घटनास्थळी धाव घेऊन मदतकार्य सुरू केलं आहे.
अपघात झाल्यानंतर कारचा चेंदामेंदा झाला आहे. पहाटेच्या सुमारास ही घटना घडली आहे. तेलंगणातील आदिलाबाद येथून आठ पर्यटक चिखलदऱ्यात आले होते. अमरावती-चिखलदरा मार्गावरून जात असताना ही घटना घडली. अपघातग्रस्त कार अर्टिगा असून एपी २८ डीडब्ल्यू २११९ असा कारचा नंबर असल्याची माहिती पोलिसांनी दिली आहे. दरीत कोसळलेल्या कारला क्रेनच्या सहाय्याने बाहेर काढण्यात येत आहे.
The car fell into a ravine 100 feet deep; Three people died and four people were injured
