संगमनेर (इंडिया दर्पण वृत्तसेवा) – संगमनेर तालुक्यातील चंदनापुरीजवळ टेंपो कारवर आदळून झालेल्या अपघातात चौघे ठार झाल्याची दुर्दैवी घटना घडली. हा अपघात रविवारी रात्री आठ वाजता झाला. पुणे-नाशिक महामार्गावर असलेल्या चंदनापुरी गावाजवळ धावता आयशर टेम्पो बाजूने चाललेल्या कारवर कोसळला. त्यामुळे चौघे ठार झाले, तर कारमधील एक महिला आश्चर्यकारक बचावली. चंदनापुरीच्या ग्रामस्थांनी तातडीने घटनास्थळी धाव घेऊन जखमींना रुग्णालयात दाखल केले.
पुण्याहून नाशिकच्या दिशेने निघालेला आयशर टेम्पोला कार ओव्हरटेक करीत होती. त्याचवेळी अचानक टेम्पो कारवर कोसळली. या विचित्र अपघात कारचा अक्षरशः चक्काचूर झाला. या अपघातात अकोले तालुक्यातील एका दोन वर्षीय चिमुकलीसह चार जण ठार झाले.
या अपघातातत ओजस्वी धारणकर (२), आशा सुनील धारणकर (वय ४२), सुनील धारणकर (वय ६५ वर्ष) व अभय सुरेश विसाळ (वय ४८ वर्ष, सर्व या.अकोले) अशी अपघातात ठार झालेल्यांची नावे आहेत. अस्मिता अभय विसाळ ही महिला ग्रामस्थांच्या मदतीमुळे वाचली.
