नाशिक (इंडिया दर्पण वृत्तसेवा) – मुंबई- आग्रा महामार्गावर पाडळी फाट्याजवळ झालेल्या मोटर सायक अपघातात दिंडोरी येथील तरुण गंभीर जखमी झाला आहे. राहुल ठाकरे असे या तरुणाचे नाव आहे. मुंबईकडून नाशिककडे जात असताना नियंत्रण सुटल्याने हा अपघात झाला.
या अपघाता बाबत मिळालेली माहिती अशी की, मंगळवारी सकाळी ६.३० वा मुंबई कडून नाशिककडे जात असताना पाडळी फाट्याजवळ मोटर सायकल चालकाचे नियंत्रण सुटल्याने हा अपघात झाला. या अपघाताची माहिती फोनवर मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत अॅम्बुलन्स लगेचच अपघात स्थळी पोहोचली व जखमी राहुल ठाकरे याला घोटी ग्रामीण रुग्णालयात दाखल केले.
या अपघातातील वाहन क्रमांक MH.JF.8045 असून वाहनाचे नुकसान झाले. या अपघाताची माहिती मिळताच स्थानिकांनी मदतीसाठी धाव घेतली. त्यानंतर रुग्णवाहिकेला फोन केल्यानंतर वेळेत मदत मिळाली.
