नाशिक (इंडिया दर्पण वृत्तसेवा) – सातपुर औद्योगिक वसाहतीच्या रस्त्यावर ४० हून अधिक तांदुळाच्या गोण्या फेकून दिल्याचे समोर आले आहे. या गोण्या कोणी फेकल्या हे मात्र कोणालाच सांगता आले नाही. या बेवारस पटलेल्या गोण्या नंतर येथील नागरिकांनी घेऊन जाण्यासाठी मोठी गर्दी केली. महिलांनाचाही त्यात समावेश होता.
महिंद्रा अँड महिंद्रा ते कार्बन कंपनी दरम्यानच्या मुख्य रस्त्यालगत एका ठिकाणी गोण्या टाकलेल्या होत्या. विशेष म्हणजे या तांदूळाला उग्र वास येत होता. तरी नागरिक ते घेऊन जात होते.
या गोण्यावर मॅन्युफॅक्चर्स ॲन्ड एक्सपोर्ट करणारी वर्धमान इंडस्ट्रीज भारत, गोल्ड राईस प्रिमियम क्वॅालिटी असा उल्लेख होता. २५ किलो वजनाच्या उकडा तांदुळ, पॅकिंग तारीख ७/२०२४ तर एक्सपायरी तारीख ७/२०२६ अशीही माहिती होती.
