कोल्हापूर (इंडिया दर्पण वृत्तसेवा) – कोल्हापूर येथे केशवराव भोसले नाट्यगृहाला गुरुवारी रात्री भीषण आग लागल्यामुळे ऐतिहासिक नाट्यगृह जळून खाक झाले. नाट्यगृहाच्या अंतर्गत गॅसगळती झाल्याने आग लागल्याची प्राथमिक माहिती समोर आली आहे. केशवराव भोसले नाट्यगृहाला आग लागल्याचे कळताच कलाकारांनी नाट्यगृहाकडे धाव घेतली.
या आगीमुळे नाट्यगृहाचे मोठे नुकसान झाले असून सर्व खुर्च्या जळून खाक झाल्या आहेत. अजूनही नाट्यगृहाला लागलेली आग आटोक्यात आली नाहीये. छत्रपती संभाजीराजेंनी या आगीच्या घटनेबाबत सोशल मीडियावर पोस्ट करत म्हटले आहे की, कोल्हापूर कलाक्षेत्रातला काळा दिवस आहे.
महाराजांनी रोमच्या थिएटरच्या धर्तीवर उभारलेले हे अत्यंत देखणे नाट्यगृह आणि मैदान हे आमच्यासांस्कृतिक ठेव्याचे एक महत्त्वाचे भाग आहेत. यांचे जळणे पाहून मनाला तीव्र दुःख होत आहे. केशवराव भोसले नाट्यगृहाने लोकांना भरपूर दिले; त्यांचा अभाव अधिकच तीव्र आभास देतो. हे पाहणे दुर्दैवी आहे, असं छत्रपती संभाजीराजे यांनी म्हटले आहे.
