इंडिया दर्पण ऑनलाईन डेस्क
पंतप्रधान नरेंद्र मोदी यांच्या अध्यक्षतेखालील आर्थिक व्यवहार विषयक मंत्रिमंडळ समितीने देशभरात 50,655 कोटी रुपये खर्चून बांधण्यात येणाऱ्या 936 किमी लांबीच्या 8 महत्त्वाच्या राष्ट्रीय हायस्पीड कॉरिडॉर प्रकल्पांच्या विकासाला मंजुरी दिली आहे. या 8 प्रकल्पांच्या अंमलबजावणीमुळे सुमारे 4.42 कोटी मनुष्यदिवस प्रत्यक्ष आणि अप्रत्यक्ष रोजगार निर्मिती होईल.
प्रकल्पांबाबत संक्षिप्त माहिती :
- 6-पदरी आग्रा – ग्वाल्हेर राष्ट्रीय हाय-स्पीड कॉरिडॉर:
88-किमीचा हाय-स्पीड कॉरिडॉर बांधा-वापरा-हस्तांतरित करा (बीओटी) तत्वावर पूर्णपणे प्रवेश-नियंत्रित 6-पदरी कॉरिडॉर म्हणून विकसित केला जाईल आणि यासाठी 4,613 कोटी रुपये एकूण भांडवली खर्च येईल. - 4-पदरी खरगपूर – मोरेग्राम राष्ट्रीय हाय-स्पीड कॉरिडॉर:
खरगपूर आणि मोरेग्राम दरम्यान 231-किमीचा 4-पदरी प्रवेश-नियंत्रित हाय-स्पीड कॉरिडॉर हा हायब्रीड ॲन्युइटी मोड वर विकसित केला जाईल. याचा एकूण भांडवली खर्च 10,247 कोटी रुपये आहे. - 6-पदरी थरड – दिसा – मेहसाणा – अहमदाबाद राष्ट्रीय हाय-स्पीड कॉरिडॉर:
214-किमीचा 6-पदरी हाय-स्पीड कॉरिडॉर बांधा – वापरा – हस्तांतरित करा तत्वावर 10,534 कोटी रुपये एकूण भांडवली खर्चासह विकसित केला जाईल. 10,534 कोटी. - 4-पदरी अयोध्या रिंग रोड:
68-किमीचा 4-पदरी प्रवेश-नियंत्रित अयोध्या रिंगरोड हा हायब्रीड ॲन्युइटी मोड मध्ये 3,935 कोटी रुपये एकूण भांडवली खर्चासह विकसित केला जाईल. . - रायपूर-रांची राष्ट्रीय हायस्पीड कॉरिडॉरचा पथलगाव आणि गुमला दरम्यान 4-पदरी खंड :
रायपूर – रांची कॉरिडॉरचा 137-किमीचा 4-पदरी प्रवेश-नियंत्रित पथलगाव – गुमला खंड हायब्रीड ॲन्युइटी मोड मध्ये विकसित केला जाईल. संपूर्ण कॉरिडॉर पूर्ण करण्यासाठी 4,473 कोटी रुपये एकूण भांडवली खर्च येईल. - 6-पदरी कानपूर रिंग रोड:
कानपूर रिंगरोडचा 47-किमीचा 6-पदरी प्रवेश-नियंत्रितखंड अभियांत्रिकी, खरेदी आणि बांधकाम पद्धतीने एकूण. 3,298 कोटी रुपये भांडवली खर्चासह विकसित केला जाईल. - 4- पदरी उत्तर गुवाहाटी बायपास आणि विद्यमान गुवाहाटी बायपासचे रुंदीकरण/सुधारणा:
121-किमीचा गुवाहाटी रिंगरोड बांधा, वापरा, टोल (बीओटी) मोडमध्ये विकसित केला जाईल. यासाठी एकूण भांडवली खर्च 5,729 कोटी रुपये येईल. - पुण्याजवळ 8-पदरी उन्नत नाशिक फाटा – खेड कॉरिडॉर:
पुण्याजवळ नाशिक फाटा ते खेड दरम्यान 30-किमीचा 8-पदरी उन्नत राष्ट्रीय हाय-स्पीड कॉरिडॉर बांधा-वापरा -हस्तांतरित करा तत्वावर विकसित केला जाईल. यासाठी 7,827 कोटी रुपये भांडवली खर्च येईल. उन्नत कॉरिडॉर पुणे आणि नाशिक दरम्यानच्या NH-60 वरील चाकण, भोसरी इत्यादी औद्योगिक केंद्रांवरून जाणाऱ्या /येणाऱ्या वाहतुकीसाठी वेगवान हाय-स्पीड कनेक्टिव्हिटी प्रदान करेल. या कॉरिडॉरमुळे पिंपरी-चिंचवडमधील मोठी वाहतूक कोंडी कमी होणार आहे.
नाशिक फाटा ते खेड कॉरिडॉरच्या दोन्ही बाजूंच्या 2 पदरी सर्व्हिस रोडसह विद्यमान रस्त्याचे 4/6 पदरी रस्त्यात रूपांतर करण्यासह सिंगल पिलरवर टियर – 1 वर 8 पदरी उन्नत उड्डाणपूल महाराष्ट्र राज्यातील NH-60 च्या खंड (Pkg-1: from km 12.190 to km 28.925 & Pkg-2: from km 28.925 to km 42.113) वर बांधण्यात येईल.
