इंडिया दर्पण ऑनलाईन डेस्क
विरारमध्ये भरधाव टोयोटा फॅार्च्यूनर कारच्या धडकेने एका प्राध्यापिकेचा मृत्यू झाला आहे. आत्मजा कासट (३५) असे मृत प्राध्यापिकेचे नाव आहे. त्या विवा कनिष्ठ महाविद्यालयात प्राध्यापिका म्हणून कार्यरत होत्या.
महाविद्यालय सुटल्यानंतर सायंकाळाच्या सुमारास गोकुळ टाऊनशिप येथील आपल्या घराकडे पायी चालत असतांना विरार येथील मुलजीभाई मेहता शाळेजवळ ही घटना घडली. पाठीमागून आलेल्या टोयोटा फॅार्च्यूनर कारने त्यांना धडक दिली. त्यानंतर त्या दुभाजकावर फेकल्या गेल्या. त्यात त्या गंभीर जखमी झाल्या.
जखमी अवस्थेत त्यांना उपचारासाठी आगाशी रोड येथील रुग्णालयात दाखल करण्यात आले. उपाचारादरम्यान रात्री उशीरा त्यांचा मृत्यू झाला. या अपघात प्रकरणी अर्नाळा पोलिस ठाण्यात गुन्हा दाखल करण्यात आला असून कारचालक शुभम पाटील (२४) याला अटक करण्यात आली आहे.
